Mae Gwasanaeth Ieuenctid a Chwarae Wrecsam yn cynnig ystod o gyfleoedd cyffrous ac arloesol ledled Wrecsam ar gyfer pobl ifanc rhwng 11 a 25 mlwydd oed. Ym mis Ebrill 2013 dechreuwyd gweithredu ffordd newydd o ddarparu'r gwasanaethau hyn sy’n golygu bod Gwasanaethau Ieuenctid a Gwasanaethau Chwarae Wrecsam bellach yn darparu gwasanaeth modern a deinamig ar y cyd sy'n ymgysylltu â mwy o blant a phobl ifanc ar adegau ac mewn mannau sy'n diwallu eu hanghenion.
Ar hyn o bryd nid oes gan y Gwasanaeth Ieuenctid a Chwarae un brand (logo) y mae plant a phobl ifanc yn ei adnabod. I newid hyn mae gennym 8 logo i chi ddewis ohonynt, felly dewiswch y logo sydd orau gennych. Y logo sy’n cael y nifer fwyaf o bleidleisiau fydd logo newydd Gwasanaethau Ieuenctid a Chwarae Wrecsam.