Bon biní na e página di Área di rekreashon Marie Pampoen.
Riba e página aki bo por hasi petishon pa e uso di e área di rekreashon Marie Pampoen.
Ofisina di Turismo di Kòrsou (CTB) ke sigui brinda nos komunidat uso di e área aki, na un forma responsabel i kumpliendo ku reglanan actual di Gobièrnu di Kòrsou.

Por fabor tene kuenta ku áreanan disponibel pa reservashon ta área A, B, C, D i E. Ta rekomendá pa pasa wak e áreanan personal promé ku reservá e área skohé.
Tur petishon lo keda kontestá denter di 2 dia di trabou. Por fabor check bo email spam folder tambe.
Por fabor tene kuenta ku e siguiente puntonan di importansia pa ku uso di área di rekreashon Marie Pampoen:

  1. Si bo tin un aktividat di mas ku 2 ora i di 15 persona pa 75 hende máksimo, bo ta obligá pa hür 2 tualèt, esei ta posibel serka nos mes na Ofisina di Turismo den akuerdo di disponibilidat òf por hür serka un kompania priva. Si bo tin un aktividat di mas ku 75 persona, bo ta obligá pa hür 1 tualèt èkstra na un kompania priva. Mester presentá e faktura di tualèt portátil promé ku tuma e pèrmit na CTB. Mester pone e tualèt portátil riba tera i no riba santu. Den kada un tualèt portátil mester disponé di ‘hand sanitizer’ i papel higiéniko pa e bishitante por hasi uso di dje.
  2. Ta rekomendá bini ku krema pa usa pa protehá kontra sangura i pikapika.
  3. Mester pèrkurá pa durante e aktividat, e bishitantenan ta disponé di awa i habon pa laba man, papel pa seka man i tambe ‘hand sanitizer’ pa mantené e higiena personal.
  4. Si ta hasi uzo di muzik, no ta pèrmití pa toka muzik te lat anochi. Pa e motibu aki ta pidi pa stòp di toka promé ku 11or di anochi.
  5. Tene kuenta ku e zonido no mag di surpasá 40 desibèl.
  6. No ta pèrmití material ku ta shusha santu, p.e. slingers, confetti, puiru di kolo, etc.
  7. No ta pèrmití kologá nada pisá na e palapanan.
  8. Por hasi uzo di e ‘parkeerplaats’ entre 6or di mainta i 12or di anochi.
  9. Tene kuenta ku no tin koriente ni lus bou di e palapanan.
  10. No ta permití pa grill bou di e palapanan, riba santu, òf riba e konstrukshonnan di betòn ku tin riba e playa bou di niun sirkunstansia.
  11. Tur restunan di kuminda, sushi, etc. mester wòrdu limpiá òf eliminá dor di esun responsabel na final di e aktividat.
  12. Despues òf promé ku grill, no ta pèrmití di tira e karbon den santu.
  13. Tene bon kuenta ku promé ku bandoná e sitio mester laga e playa limpi manera a hañ’é. Tur loke bo trese, bo mester bai kun’é bèk.
  14. Kliente ta responsabel pa tur otro pèrmit ku mester wòrdu reglá relashoná ku su aktividat.
  15. CTB no ta responsabel pa eventual daño personal, finansiero òf di kualkier índole ku por tuma lugá, promé, durante òf despues di e aktividat.
  16. Kliente ta responsabel pa tur eventual daño kousá na infrastruktura, vegetashon òf kontaminashon di e área ku ta pertenesé na e playa, promé, durante i despues di e aktividat.
  17. Tur gastunan relashoná i menshoná na punto #15 lo keda pa kuenta di esun responsabel i ku a pidi e pèrmit.
  18. No ta pèrmití pa hasi aktonan inapropiá riba e area aki. Den kaso ku esaki sosodé, esaki lo drenta den man di Polis.
  19. Ta prohibí pa pone fiesta den e area aki despues di 12or di anochi.
  20. Na momentu ku bo orario di pèrmit a yega, por fabor di bandoná e sitio.
  21. No kumplimentu ku kualkier di un di e puntonan ariba menshoná i ku mester keda konstatá dor di esun enkargá ku mantenshon di e playa, ta kore rísiko ku ta stòp e aktividat i prohibí pa dunabu pèrmit pa bo siguiente aktividat.  ‘Beheerder’ tin outoridat pa para e aktividat na momentu ku e konstatá ku no ta kumpli ku palabrashon(nan) stipulá aki.

Una bes bo e emití bo petishon, bo por tuma kontakto ku e siguiente number òf email pa verifiká

T