Sýnir þú umhverfinu umhyggju?

Taktu stöðuna með því að velja þær staðhæfingar sem eiga við þitt heimili og/eða vinnustað:

Öll viljum við gera eins vel og við getum þegar kemur að umhverfismálum en oft getur verið erfitt að ákveða hvar eigi að byrja. Eftirfarandi listi tekur á nokkrum megin þáttum sem hjálpa til við að draga úr sóun og stíga græn skref í átt að umhverfisvænni lifnaðarháttum. Listann má nota hvort sem er inni á heimilum eða vinnustöðum. Hakaðu við alla þá þætti sem eiga við um þitt heimili eða vinnustað, því fleiri þætti sem hægt er að merkja við, því betra fyrir umhverfið.

Spurningalistinn er í samstarfi við verkefni Umhverfisstofnunar, Græn skref í ríkisrekstri.

Question Title

* 1. Rafmagn og húshitun:

Við slökkvum á öllum ljósum í þeim rýmum sem eru ekki í notkun og öll ljós í lok dags

Við nýtum dagsbirtu yfir sumarmánuðina og erum meðvituð um að slökkva öll óþarfa ljós

Við veljum sparnaðarstillingu á uppþvotta- og þvottavélum, þekkjum skammtastærðir uppþvottaefnis og gangsetjum einungis fullhlaðnar vélar

Við endurnýjun eru ávallt valdar perur/lýsing með bestu orkunýtni s.s. LED

Við slökkvum á tölvum og skjám þegar slíkt er ekki í notkun

Við notum stiga frekar en lyftur þar sem það á við

Við höfum greint raf- og hitanotkun og sett okkur markmið í sparnaði og/eða bregðumst við breytingum

Question Title

* 2. Flokkun og minni sóun:

Leiðbeiningar um flokkun eru sýnilegar öllum. Öll ílát eru merkt með viðkomandi úrgangsflokki

Við höfum ekki almennt sorp/ruslafötur í öllum herbergjum, allir nýta miðlæga flokkun

60% eða meira af úrgangi er flokkaður til endurnotkunar eða endurvinnslu

Við flokkum að lágmarki í sjö úrgangsflokka (t.d. spilliefni, pappír, plast, skilagjaldsumbúðir, bylgjupappa, málma, raftæki og gler)

Við erum meðvituð um matarsóun og gerum okkar ýtrasta til þess að minnka hana eins og mögulegt er

Við nýtum alla matarafganga og hugum að því við eldamennsku

Við borðum grænmetisrétti a.m.k. einu sinni í viku (t.d. meatless Mondays)

Við söfnum öllum lífrænum úrgangi og skilum eða jarðgerum

Við flokkum spilliefni eins og lög og reglur kveða á um, s.s. rafhlöður, prenthylki, málningarafganga, flúrperur og skilum til ábyrgrar förgunar

Við notum margnota burðarpoka í stað einnota við innkaup á smávöru

Við endurnýtum umbúðir s.s. innkaupapoka, kassa og annað sem fellur til við innkaup og notkun á vörum

Við reynum að nota ekki plastpoka til þess að flokka endurvinnanlegt efni og nota frekar lífbrjótanlega poka fyrir almennan og lífrænan úrgang

Við afþökkum allan fjölpóst

Við erum meðvituð um úrgangsmyndun heimilisins og/eða vinnustaðar og hvar helst sé hægt að draga úr henni

Question Title

* 3. Veislur, hittingar, fundir og aðrir viðburðir:

Við notum margnota borðbúnað

Við reynum að sleppa einnota drykkjarumbúðum eins og hægt er, eða kaupum í stórum umbúðum

Við endurnýtum umbúða- og gjafapappír og gjafapoka og reynum að leita að umhverfisvænum aðferðum við að pakka inn gjöfum

Við leitumst við að gefa umhverfisvænar gjafir, svo sem upplifanir og samveru

Við skreytum ekki með einnota plasti svo sem blöðrum, borðum, dúkum og „confetti“

Við hugum að matarsóun við skipulag máltíða í veislum og öðrum hittingum

Við sendum rafræn boð í veislur/á fundi og höldum öllum pappír í lágmarki

Question Title

* 4. Samgöngur:

Við nýtum okkur umhverfisvænni ferðamáta til og frá vinnu eins og hægt er; hjól, strætó eða gangandi

Við samnýtum ferðir og skipuleggjum allan akstur til þess að takmarka auka akstur eins og hægt er

Við höfum kynnt okkur og tekið upp vistakstur

Við höfum kynnt okkur mismunandi orkugjafa bifreiða og áhrif þeirra

Question Title

* 5. Innkaup:

Við leggjum áherslu á að versla vöruflokka sem eru vottaðir lífrænt ræktaðir og/eða siðgæðisvottaðir (Fair Trade) þegar það er í boði

Við kaupum einungis umhverfisvottaðan mjúkpappír (klósett- og eldhúspappír) og sérvíettur eða notum fjölnota tau-sérvíettur þegar það er hægt

Að lágmarki 80% almennra hreinlætis- og ræstivara okkar eru umhverfisvottaðar

Við notum hleðslurafhlöður í stað einnota rafhlaða

Við íhugum vel þörfina áður en við kaupum inn t.d. hvort megi nýta betur, samnýta, fresta innkaupum eða gera við

Við kaupum raftæki sem eru í A-flokki orkumerkinga eða hærra skv. orkuflokkum Evrópusambandsins

Við fáum eða verslum notaða hluti frekar en nýja, svo sem húsbúnað. Ef nýtt er keypt, verslum við umhverfisvottaðar vörur merktar t.d. Svaninum eða Blóminu.

Við höfum kynnt okkur kolefnisfótspor heimilisins og erum meðvituð um neyslu okkar

Við erum meðvituð um óþarfa umbúðir þeirra vara sem við verslum og reynum að halda þeim í lágmarki

Við ökum ekki um á nagladekkjum nema nauðsynlegt sé

Við fylgjumst með efnanotkun, vitum hver þeirra eru hættuleg og minnkum notkun þeirra

Við kaupum einungis umhverfisvottuð efni s.s. málningu, hreinsiefni og slíkt

Við notum ekki skordýraeitur

Við verslum við Kolvið, Votlendissjóð, eða aðra sambærilega sjóði eða nýtum okkur aðrar aðgerðir til kolefnisjöfnunar

Við erum meðvituð um árangur okkar í takmörkun á losun gróðurhúsalofttegunda og hvað má gera betur

Við kaupum einungis umhverfisvottaðan prentpappír þegar ekki er hægt að sleppa prentun