Family Focus Group - North 2 (Khmer) |
សេវាគាំទ្រពិការភាពខួរក្បាល៖ ក្រុមផ្ដោតលើគ្រួសារដែលមានកុមារ និងយុវជនត្រូវការការគាំទ្រព
ក្រសួងសេវាគាំទ្រពិការភាពខួរក្បាល និងមជ្ឈមណ្ឌលក្នុងតំបន់ នឹងសហការគ្នាក្នុងភាពជាដៃគូ រៀបចំការប្រជុំក្រុមផ្ដោតលើគ្រួសារ ជាបន្តបន្ទាប់ ដើម្បីស្ដាប់មតិយោបល់ ពីគ្រួសារដែលមានកូន និងយុវជនដែលត្រូវការការគាំទ្រពិសេស។ យើងចង់ស្ដាប់នូវបទពិសោធន៍របស់គ្រួសារក្នុងការទទួលសេវាកម្មនានាសម្រាប់កូនរបស់ពួកគេដែលកំពុងជួបប្រទះភាពស្មុគស្មាញខាងអាកប្បកិរិយា ឬវិបត្តិផ្សេងៗ ដែលប៉ះពាល់ដល់កុមារ គ្រួសារ និងការរស់នៅ ឬបរិយាកាសក្នុងគេហដ្ឋាន។ យើងក៏ចង់ស្ដាប់ផងដែរនូវមតិយោបល់របស់គ្រួសារទាំងឡាយពីអ្វីដែលនឹងជួយកែលម្អបទពិសោធន៍ក្នុងការផ្ដល់សេវាកម្ម និងសេវាកម្មបែបណាខ្លះដែលនឹងបំពេញតាមតម្រូវការរបស់កុមារ និងគ្រួសារ។
បទពិសោធន៍ដែលបានចែករំលែកនៅក្នុងក្រុមផ្ដោតលើគ្រួសារទាំងនេះនឹងរក្សាទុកជាសម្ងាត់ ដោយយកតែទស្សនៈ ការផ្ដល់យោបល់ និងការណែនាំនានា ពីសេវាកម្ម និងការគាំទ្រប៉ុណ្ណោះមកប្រើប្រាស់ដើម្បីកែលម្អសេវាកម្ម ដល់កុមារ និងយុវជនដែលត្រូវការការគាំទ្រពិសេស។
អ្នកចូលរួមក្នុងក្រុមផ្ដោតលើគ្រួសារដែលបានជ្រើសរើស នឹងមានភាពចម្រុះផ្នែកវប្បធម៌ ប្រកបដោយបរិយាបន្ន និងឆ្លុះបញ្ចាំងពីសហគមន៍ នៃមជ្ឈមណ្ឌលក្នុងតំបន់ មូលដ្ឋាន។ ការចូលរួមមានកំណត់ ពីព្រោះគោលដៅរបស់យើងគឺបង្កើតទីកន្លែងមួយប្រកបដោយសុវត្ថិភាព ដើម្បីចែករំលែក និងដើម្បីធានាថា គ្រប់សំឡេងទាំងអស់ត្រូវបានគេស្ដាប់។
ការដាក់ពាក្យសុំ ចូលរួមក្នុងក្រុមផ្ដោតលើគ្រួសារ គឺសម្រាប់តែក្រុមគ្រួសារទាំងឡាយណាដែលចង់ចែករំលែក បទពិសោធន៍គ្រួសារ និងកុមារ និងចែករំលែកទស្សនៈពីសេវាកម្ម និងការគាំទ្រនានា ដល់កុមារ និងយុវជនដែលត្រូវការការគាំទ្រពិសេសប៉ុណ្ណោះ។ យើងសូមលើកទឹកចិត្តអ្នកឲ្យដាក់ពាក្យចូលរួម ប្រសិនបើអ្នកមានកូន ឬយុវជនដែល៖
- ទទួលសេវាពីមជ្ឈមណ្ឌលក្នុងតំបន់;
- មានអាយុចន្លោះពី 6 ដល់ 21 ឆ្នាំ និង,
- កំពុងជួបប្រទះអាកប្បកិរិយាស្មុគស្មាញ និង/ឬ ត្រូវការការគាំទ្រពិសេស។
ក្រុមផ្ដោតលើគ្រួសារនឹងត្រូវបានរៀបចំឡើងនៅទូទាំងរដ្ឋកាលីហ្វ័រញ៉ា ដោយចាប់ផ្ដើមនៅឆ្នាំ 2024។ ការដាក់ពាក្យនេះគឺសម្រាប់តំបន់កាលីហ្វ័រញ៉ា [ខាងជើង] [កណ្ដាល] [ខាងត្បូង] ហើយនឹងត្រូវធ្វើឡើងនៅក្នុងតំបន់ _______។ ក្រុមគ្រួសារដែលមកពីមជ្ឈមណ្ឌលក្នុងតំបន់មួយចំនួនខាងក្រោមត្រូវបានលើកទឹកចិត្តឲ្យដាក់ពាក្យចូលរួម៖
ប្រសិនបើអ្នកត្រូវបានជ្រើសរើសឲ្យចូលរួម អ្នកនឹងទទួលបានប្រាក់ឧបត្ថម្ភសម្រាប់អ្នកចូលរួម ចំពោះការចំណាយពេលវេលា និងជំនាញរបស់អ្នក។ លើសពីនេះទៀត មជ្ឈមណ្ឌលក្នុងតំបន់អាចគាំទ្រដល់ការចូលរួមរបស់គ្រួសារ តាមរយៈការជួយសម្របសម្រួលសេវាបន្ថែមណាមួយ ដែលនឹងជួយក្រុមគ្រួសារឲ្យចូលរួម ទៅតាមតម្រូវការរបស់បុគ្គល និងគ្រួសារ។
យើងសូមអរគុណដល់អ្នកដែលបានដាក់ពាក្យចូលរួម និងឆន្ទៈរបស់អ្នកក្នុងការចែករំលែកបទពិសោធន៍ និងកម្លាំងរបស់អ្នក។