Savea ki he ʻUliʻi ʻo e ʻEá

Ko e savea ko ʻení ʻoku fakafuofua ki ha miniti ʻe 5 ke fakakakato ai.

ʻOku fekumi ʻa e timi polōseki ki he ʻeá ʻa e Clark County ki he fakakaukau ʻa e komiunitií ke tokoni ki he palani ki he feliuliuaki ʻi he ʻeá ʻo fou ʻi ha seini ʻo ha ngaahi ʻekitivitī ʻa ia ʻe fakahoko ʻi he lolotonga ʻo e taʻú kātoa. ʻI he taimí ní, ʻoku tāfataha ʻa e timi polōsekí ki hono fakaʻilongaʻi ʻo e ngaahi taumuʻa vivili ke fakasiʻisiʻi ʻa e ʻuliʻi ʻe he kasa greenhouse ʻa e ʻeá (pe ngaahi kasa ʻuli ʻoku mafolá), fakaleleiʻi ʻa e tuʻunga maʻa ʻo e ʻeá, mo fakalakalaka ʻa e moʻui lelei hotau komiunitií mo e ʻātakaí.

ʻOku tuʻutuʻuni ʻe he Siteiti Washington ke fakaʻilongaʻi ʻe he Clark County ʻa ʻene ngaahi ngāue ʻe fakahoko ʻi he taʻu ʻe 20 hoko maí ʻi he vahefonua feituʻu ʻikai fakalaó (ngaahi ʻēlia ʻi tuʻa ʻi he ngaahi kolomuʻá) ke matatali ʻaki ʻa e feliuliuaki ʻa e ʻeá. ʻOku kau ki heni ʻa e tuʻutuʻuni ke fakasiʻisiʻi ʻa e ngaahi kasa ʻuli greenhouse ʻoku mafolá ʻa ia ʻoku foʻu ʻe he ngaahi ʻekitivitī fakafeituʻú. (ʻOku ʻi ai ha ngaahi kolomuʻa lahi ʻokú nau ngāue foki ki he ngaahi polōseki tatau ki hono matuʻuaki ʻo e ʻuliʻi ʻe he kasa greenhouse ʻa e ʻeá ʻi loto ʻi honau ngaahi ngatangataʻangá.) Lolotonga ʻa e tāfataha ʻa e ngāue ʻa e vahefonuá ki he ngaahi meʻa ʻe lava kenau fakahoko fakafeituʻú, ʻoku hoko ʻa e feliuliuʻaki ʻi he ʻeá ko ha pole fakamāmanilahi pea ʻoku ʻi ai ʻa e ngāue makehe ki he feliuliuaki ʻa e ʻeá ʻoku fakahoko fakavahefonua, ʻi he toenga ʻo e fonuá mo e kolopé.

ʻOkú mau fakaafeʻi atu koe ke ke:

1. Ako ʻo fekauʻaki mo e ngaahi tefitoʻi tupuʻanga ʻo e ngaahi kasa ʻuli greenhouse ʻoku mafola ʻi he feituʻu ʻoku ʻikai fakalao ʻi Clark County. Ko e ngaahi kasa Greehouse ko ha ngaahi kasa ʻa ia ʻokú ne taʻofi ʻa e ʻea velá ʻi he ʻetimosifiá. ʻOku tokoni ʻa e ngaahi kasa ko ʻení ki hono fakamāfanaʻi ʻa e Māmāní mo tokoni ki he kakaí, ngaahi ʻakaú, mo e monumanú. Neongo iá, ko e tōtuʻa ʻa e ngaahi kasa ko ʻení ʻa ia ʻoku maʻu mei hono ʻuliʻi ʻo e ʻeá ʻe lava ke hoko ai ha ngaahi uesia tamaki lahi.

2. Ako fekauʻaki mo e tuʻunga maʻa ʻo e ʻeá ʻi he feituʻu ʻoku ʻikai fakalao ʻi Clark County.

3. Vahevahe ʻa hoʻo ngaahi fakakaukau ʻo fekauʻaki mo hono fakasiʻisiʻi ʻo e ngaahi kasa ʻuli greenhouse ʻoku mafolá pea fakaleleiʻi ʻa e tuʻunga maʻa ʻo e ʻeá ʻi hotau komiunitií.

Ko e timi polōseki ki he ʻeá, ʻoku kau ki ai ʻa e kau ngāue ʻa e vahefonuá, kau faleʻi, ngaahi kulupu faleʻi, ʻa ia tenau ngāue ʻaki ʻa e fakamatala ko ʻení ke fakahā ʻa e tuʻunga ʻe hoko ki ai ʻa e ngāue palaní: faʻu ha lisi ngāue ʻa ia ʻe lava ʻo fakahoko ʻe he vahefonuá ke fakasiʻisiʻi ʻaki ʻa e ngaahi kasa ʻuli greenhouse ʻoku mafolá, fakaleleiʻi ʻa e tuʻunga maʻa ʻo e ʻeá, pea fakasiʻisiʻi ʻa e ngaahi haʻahaʻa tamaki ʻo e feliuliuaki ʻi he ʻeá.

Ko hoʻo ngaahi talí ʻoku fakapulipuli (ʻoku ʻikai kemau ʻilo ko hai koe). ʻOku ʻikai fakamālohiʻi hoʻo kau maí. Te ke lava pē ʻo fili ke ke hiki fakalaka meí ha ngaahi fehuʻi. ʻOku hoko ʻa hoʻo kau maí ko ha fakamatala tokoni mahuʻinga ke tokoni ki hono foʻu ʻo e ngaahi palani ʻi he kahaʻú maʻá e komiunitií.

----

ʻE vahevahe ʻe he timi polōseki ki he ʻeá ʻa e fakaikiiki ʻo e ngaahi ola mei he savea ko ʻení mo e ngaahi ngāue kehe ʻoku fakakau ki ai ʻa e komiunitií ʻi he uepisaiti ʻa e polōsekí.

Te ke lava ʻo ako lahi ange ʻo fekauʻaki mo e polōseki ki he ʻeá ʻa e vahefonuá mo kei kau mai ʻo fou ʻi he ngaahi sitepu ko ʻení: https://clark.wa.gov/community-planning/climate-change-planning.

Ko ha toe faúnga kehe, fetuútaki ki he Ófis ADA Vahenga Clark: 564.397.2322 / 711 pe 800.833.6388 / ADA@clark.wa.gov