Nkag Siab Txog Kev Kho Cheeb Tsam Dua TshiabTxhua 10 lub xyoo twg, Teb Chaws Meskas yuav suav lawv cov neeg nyob hauv thiab cov pheem thij qhia chaw uas lawv nyob. Qhov txheej txheem no hu ua kev suav pej xeem.
Tom qab txhua qhov kev suav pej xeem, txhua lub nroog nyob hauv Wisconsin yuav tsum “kho cheeb tsam dua tshiab (redistrict). “Qhov ntawd txhais tau tias lub nroog yuav tsum tau muab cov neeg nyob rau hauv cov cheeb tsam chaw uas muaj cov pej xeem nyob coob sib xws. Cov cheeb tsam no hu ua “cov cheeb tsam (districts). “Txhua cheeb tsam yuav tau xaiv ib tus neeg sawv cev rau Pawg Thawj Tswj Xyuas Nroog. Cov neeg sawv cev no yog hu ua “cov thawj saib xyuas (supervisors).”
Pawg Thawj Tswj Xyuas ntawm Cov Thawj Saib Xyuas yuav ua kev txiav txim siab tseem ceeb txog ib puag ncig, kev ncaj ncees, kev xav tau ntawm tib neeg thiab cov kev pab cuam, thiab kev tsim vaj tsev. Nws yuav txiav txim siab seb lub nroog siv koj cov nyiaj se li cas.
Kev Kho Cheeb Tsam Dua Tshiab Hauv Nroog Dane Lub caij nplooj zeeg no, Pawg Thawj Tswj Xyuas Hauv Lub Nroog yuav txiav txim siab tias yuav cia muaj pes tsawg lub cheeb tsam Pawg Thawj Tswj Xyuas Hauv Nroog yuav muaj nyob rau 10 xyoo tom ntej ntxiv; thiab nyob rau lub caij nplooj ntoo hlav thiab lub caij ntuj sov xyoo 2021, nrog cov ntaub ntawv los ntawm kev suav pej xeem, Nroog Dane yuav ua tiav cov txheej txheem kev kho cheeb tsam dua tshiab ntawm kev kos daim pheem thij qhia chaw yog li ntawd txhua lub cheeb tsam tshiab thiaj li muaj cov pej xeem coob sib xws.
Thaum ib lub nroog xaiv ntau lub cheeb tsam, nws yuav muaj ntau tus thawj saib xyuas. Nyob hauv qhov xwm txheej no, txhua tus thawj saib xyuas sawv cev rau cov pej xeem tsawg dua. Yog tias lub nroog xaiv kom muaj ob peb lub cheeb tsam xwb, nws kuj tsuas muaj ob peb tus thawj saib xyuas thiab xwb. Nyob hauv qhov xwm txheej no, txhua tus thawj saib xyuas sawv cev rau cov pej xeem coob dua.
Niaj hnub no, Nroog Dane muaj 37 lub cheeb tsam thiab 37 tus saib thawj saib xyuas. Txhua tus thawj saib xyuas sawv cev rau kwv yees li 14,500 tus pej xeem.
Nroog Dane tseem yog Lub Nroog loj hlob sai tshaj plaws nyob hauv Xeev Wisconsin.
- Yog tias Nroog Dane xaiv cia muaj cov thawj saib xyuas (37) leej li qub los sis cov thawj saib xyuas tsawg dua qub, txhua tus thawj saib xyuas yuav sawv cev rau cov pej xeem ntau dua 14,500 tus neeg.
- Txawm hais tias Nroog Dane xaiv los tsim lub nroog pawg thawj tswj xyuas kom loj dua, txhua tus thawj saib xyuas kuj tseem tuaj yeem sawv cev rau cov neeg nyob hauv ntau dua. Nws tsuas yog nce rau ntawm qhov Nroog Dane tau loj hlob xwb.
Dab tsi yog Qhov Zoo thiab Qhov Tsis Zoo ntawm qhov ntau thiab tsawg ntawm Pawg Thawj Tswj Xyuas? Wisconsin Lub Koom Haum Ntawm Cov Nroog tau tsim cov lus qhia uas piav qhia:
https://dane.legistar.com/View.ashx?M=F&ID=8575992&GUID=38472F38-44C2-4CDF-AA5D- 5DD426817E52 Nroog Dane Pawg Thawj Tswj Xyuas tau hloov pauv npaum li cas lub sij hawm dhau los?Txhawm rau saib keeb kwm ntawm Nroog Dane Pawg Thawj Tswj Xyuas qhov loj me, muaj nyob ntawm daim duab kos ntawm no:
https://dane.legistar.com/View.ashx?M=F&ID=8580842&GUID=1B96C641-44E5-4BF7-A88E-914C005AC209 