Eich iechyd meddwl wrth ichi ddod yn rhiant

Croeso

Yn aml, mae’r broses o ddod yn rhiant – o geisio mabwysiadu neu feichiogi i feichiogrwydd a rhoi genedigaeth, ynghyd â blwyddyn gyntaf y baban – yn cael ei hystyried yn amser hapus iawn. Ond mae’n achosi heriau i sawl un.

Elusen atal hunanladdiad yw Samaritans Cymru sy’n rhoi cymorth emosiynol i unrhyw un sy’n cael trafferth i ymdopi. Yn 2024, rydym yn lansio prosiect newydd i godi ymwybyddiaeth am yr effaith gall dod yn rhiant ei chael ar eich iechyd meddwl. Hoffem wella’r cymorth sydd ar gael i ddynion a menywod ledled Cymru.

I wneud hyn, hoffem ddysgu mwy am brofiadau pobl o ddod yn rhiant, yr effaith a gafodd ar eich iechyd meddwl, a pha gymorth – os o gwbl – a gawsoch yn ystod y cyfnod hwn. Byddem wrth ein boddau i glywed oddi wrthych os ydych chi’n bodloni’r holl feini prawf canlynol:

dros 18 oed
yn byw yng Nghymru
wedi ceisio beichiogi, wedi colli baban, wedi bod yn feichiog, wedi ceisio mabwysiadu plentyn, wedi profi anffrwythlondeb neu wedi cael triniaethau ffrwythloni (fel rhoi wy), wedi rhoi genedigaeth a/neu wedi bod yn rhiant newydd yn ystod y deng mlynedd ddiwethaf (naill ai chi neu’ch partner)
wedi cael trafferth gyda’ch iechyd meddwl ar y pryd

Cewch eich holi am ddod, neu geisio dod, yn rhiant, eich iechyd meddwl, a’r cymorth a gawsoch. Ni ddylai’r arolwg gymryd mwy na 15 munud i’w orffen a’r dyddiad cau yw Mawrth 4 2024.

Byddwn yn cadw eich atebion yn gyfrinachol ac yn ddienw. Bydd y wybodaeth a gasglwyd yn cael ei defnyddio i ddatblygu adroddiad polisi y bydd Samaritans Cymru yn ei ddefnyddio i ddylanwadu ar newid yng Nghymru ac i lunio adnodd di-dâl i gefnogi unrhyw un sy’n dod yn rhiant yng Nghymru. Byddwn hefyd yn defnyddio dyfyniadau dienw yn yr adnodd i helpu pobl eraill sy’n wynebu anawsterau tebyg.

Dylech nodi bod yr arolwg hwn yn cael ei gynnal gan Listen & Learn Associates Ltd ar ran Samaritans Cymru. Caiff unrhyw wybodaeth bersonol a rennir gennych ei ddefnyddio’n unol â’r gyfraith diogelu data perthnasol a Pholisi Preifatrwydd Samaritans, sydd ar gael yn https://www.samaritans.org/privacy-statement/.

Cliciwch ‘Next’ isod i ddysgu mwy am yr ymchwil a’r rhan y byddwch chi’n ei chwarae ynddo.