Endamálið við hesum spurnablaði er:
At kanna, hvussu atkomuviðurskiftini eru kring føroyskar fótbóltsvallir fyri fólk við rørslutarni,
At kanna, um fótbóltsfjepparar við rørslutarni fara til dystir í Føroyum,
At kanna, um tað eru umstøður kring føroysku leikvallirnar, ið forða fyri, ella gera tað avbjóðandi hjá fjepparum við rørslutarni at koma til dystir.
Vit vilja fegin hoyra frá so nógvum fólki við rørslutarni, sum til ber - bæði frá teimum, ið hava verið til dystir á leikvallum í Føroyum, og teimum, ið ikki hava.
Spurnablaðið er ætlað øllum við rørslutarni – tvs øll, ið á ein ella annan hátt hava kropsligar avbjóðingar, ið kunnu gera tað trupult at fara til fótbóltdyst í Føroyum. Tað verður í hesum sambandi eisini hugsað um sjónveik og fólk við niðursettari hoyrn.
Spurnablaðið er býtt í 4 partar og tekur umleið 5 - 10 minuttir at svara. Vit høvdu verið sera takksom, um tú svarar so nógvum spurningum sum gjørligt.