Kua kitea e Te Kaunihera o ngā Roto o Rotorua te hiahia kia whakawhanakehia tētehi Mahere Tākaro, ngā Mahi a te Rēhia, ngā Rautaki Hākinakina me ngā Papa Rēhia. Ko te tikanga o te rautaki me te mahere he rato kupu tohutohu kounga nui mō te anamata o ngā hiahia o te hapori o Rotorua i te tākaro, ngā mahi a te rēhia, hākinakina me ngā papa rēhia, tae ana ki ngā whakaarotau o ngā whakaritenga hōtaka, rawa hoki. Ka whakamahia ia ki te tohu i ā te Kaunihera Whakamaheretanga Karioi. E mahi ngātahi ana te Kaunihera ki a Te Arawa, kua tono hoki mātau i a Recreation, Sport & Leisure Consultancy (RSL)/Otium Planning Group ki te kōkiri i te rautaki me te mahere mā mātau. 
 
Kua pōhiritia koe ki te whakakī i te tatauranga hai āwhina i a mātau kia pūrangiaho ai te māramatanga ki ngā āheinga, ngā wero me ngā awhero ā-mua i te tākaro, ngā mahi a te rēhia, hākinakina me ngā papa rēhia i Rotorua. Hai āwhina ki te whakatūturu i tō mātau māramatanga ki ngā tirohanga a ngā tāngata takitahi, ngā whānau me ngā hapori Māori, e tūmanako ana nei mātau ka whakakī koe i tētehi tatauranga māu/mā tō whānau. 
 
Kai tōna 10 meneti pea te roa ki te whakakī i te tatauranga. Ko ētehi pātai me whakautu i mua i tō koke whakamua, engari rā ētehi, ki te kore koe e mōhio ki te whakautu o tētehi pātai, ki te kore rānei koe e hiahia ki te whakautu, koke whakamua noa iho ki te pātai e whai ana. 

Hei mihi i tō whai wāhi mai ki te kaupapa nei, anei tētehi momo rāwhara e toa ai i a koe te kāri Prezzy $50 (e 5 ngā toa ka whiria).
 
Mēnā he pātai wāu mō te tatauranga, tēnā, īmēra mai ki anna@rslc.nz. 
Tēnā, whakakīia te tatauranga i mua i te 11:55 i te pō o te Taite, te 11 o Ākuhata, 2022  kia whakaurua te rā .
 
E whano ai koe ki te tatauranga, tēnā, pāwhiria te pātene whano kai raro iho. 
Tēnā koe. 
 

T