Construction Impacts Survey - ខ្មែរ

យើងកំពុងរៀបចំគម្រោងជាមុនសម្រាប់ការសាង់សង់រចនាសម្ព័ន្ធសម្អាតតំបន់ខាងលើនៃផ្លូវទឹក Duwamish ផ្នែកខាងក្រោម។ សូមប្រាប់យើងពីចំណុចដែលសំខាន់បំផុតសម្រាប់អ្នក!
Map of the Lower Duwamish Waterway

យើងគឺ Lower Duwamish Waterway Group (LDWG) ដែលជាក្រុមហ៊ុនសហកម្មសិទ្ធិសាធារណៈនិងឯកជន ដែលអនុវត្តការសម្អាតការបំពុលដោយសំណល់នៅក្នុងផ្លូវទឹក Duwamish ផ្នែកខាងក្រោម។

ទីតាំងដែលមានការបំពុលដោយសារធាតុគ្រោះថ្នាក់នៃផ្លូវទឹក Duwamish ផ្នែកខាងក្រោម ត្រូវបានចែកចេញជាបីតំបន់ឬបីផ្នែកភូមិសាស្រ្ត សម្រាប់ការសម្អាតសំណល់៖ ផ្នែកខាងក្រោម កណ្តាល និងផ្នែកខាងលើ។ តំបន់នីមួយៗនឹងមានការរចនារចនាសម្ព័ន្ធសម្អាត និងកាលវិភាគសាងសង់រៀងៗខ្លួន។

ការសម្អាតនឹងចាប់ផ្តើមនៅតំបន់ខាងលើ (ដូចមានបង្ហាញក្នុងផែនទី) ភ្លាមៗនៅរដូវស្លឹកឈើជ្រុះឆ្នាំ 2024 ហើយនឹងបន្តឆ្ពោះទៅផ្នែកចុងខាងត្បូងនៃកោះ Harbor Island នៅទសវត្សរ៍បន្ទាប់។ សកម្មភាពសាងសង់នៅតំបន់ខាងលើ គ្រោងនឹងធ្វើឡើងនៅចន្លោះខែតុលា ដល់ខែកុម្ភៈ សម្រាប់រយៈពេលបីឆ្នាំ។

យើងនឹងប្រើវិធីសាស្ត្រមួយចំនួនដើម្បីសម្អាតសំណល់នៃផ្លូវទឹក Duwamish ផ្នែកក្រោម រួមមាន៖

ការបូមភក់ចេញ (យកសំណល់កខ្វក់ចេញពីផ្លូវទឹក ហើចាក់ចោលនៅកន្លែងចាក់សំរាមដែលមានការអនុញ្ញាត)
ការគ្របពីលើ (ការគ្របដណ្ដប់លើសំណល់ដែលមានការបំពុល ដោយស្រទាប់ខ្សាច់ ដីល្បាប់ ក្រួស និងថ្ម ដើម្បីទប់ស្កាត់ការចម្លងរោគ)
យើងក៏នឹងពឹងផ្អែកលើការស្ដារឡើងវិញតាមលក្ខណៈធម្មជាតិរបស់សំណល់ផងដែរ ទាំងតាមរយៈចលនានៃសំណល់ដែលស្អាតជាងមុនពីទន្លេខាងលើ ដើម្បីគ្របដណ្ដប់លើសំណល់បំពុល និងតាមរយៈការបញ្ចូលស្រទាប់ខ្សាច់ស្អាត ដើម្បីពន្លឿនដំណើរការស្តារឡើងវិញ (ហៅថាការស្តារឡើងវិញតាមលក្ខណៈធម្មជាតិ)។

យើងកំពុងរៀបចំគម្រោងលម្អិតជាច្រើនសម្រាប់ការសម្អាតផ្លូវទឹកផ្នែកខាងលើ ប៉ុន្តែយើងដឹងថា៖

ការសាងសង់នឹងធ្វើឡើងក្នុងតំបន់ខ្លះនៃទន្លេនៅចន្លោះរវាងសួនផ្លូវទឹក Duwamish និងស្ពាន South 102nd Street។
សកម្មភាពសាងសង់គ្រោងនឹងធ្វើនៅចន្លោះខែតុលាដល់ខែកុម្ភៈ ក្នុងរយៈពេលបីឆ្នាំ ហើយរំពឹងថានឹងចាប់ផ្តើមឡើងនៅចុងឆ្នាំ 2024។
អ្នកនឹងឃើញឧបករណ៍សំណង់នៅលើផ្លូវទឹក រួមមានកាប៉ាល់សម្រាប់ដឹកខ្សាច់ស្អាត ឬសំណល់បូមដែលកខ្វក់ នាវាដែលមានភ្ជាប់ដងស្ទូច (សម្រាប់បូមខ្សាច់ និងដាក់សម្ភារ) និងទូកអូសដើម្បីផ្លាស់ទីទូកជុំវិញ។
សំណល់ដែលបានបូមភាគច្រើននឹងត្រូវដឹកតាមកប៉ាល់ទៅកាន់ទីតាំងជាក់លាក់មួយចំនួននៅជាប់មាត់ទន្លេ ហើយបន្ទាប់មកដឹកជញ្ជូនទៅកាន់កន្លែងចាក់សំរាមតាមរថភ្លើងផ្លូវដែក។ នៅកន្លែងខ្លះ សំណល់ដែលបានបូមអាចនឹងត្រូវបាននាំយកទៅកាន់លើរថភ្លើងផ្លូវដែកតាមរយៈឡានដឹកទំនិញ។
ក្រុមអ្នកសាងសង់ក៏អាចប្រើប្រាស់តំបន់ច្រាំងទន្លេជាប់មាត់ទន្លេសម្រាប់ការរក្សាទុកសម្ភារសាងសង់ផងដែរ។
អ្នកប្រហែលជាឃើញ និងឮអ្នកម៉ៅការបើកបរយានយន្តធំៗ ចតឡាន រំកិលទូកតាមដងទន្លេដោយប្រើទូកអូស និងប្រើឧបករណ៍ធុនធ្ងន់។
អ្នកប្រហែលជាឃើញទូកជាមួយកម្មករនៅតាមផ្លូវទឹកប្រមូលសំណាកទឹក និងសំណល់ដើម្បីធ្វើតេស្ត។
ដោយសារជំនោរ និងកត្តាផ្សេងៗ អាចមានពេលដែលកម្មករត្រូវធ្វើការទាំងយប់។
កម្មករអាចប្រើអំពូលភ្លើង ហើយអ្នកអាចឮសំឡេងរំខានច្រើនជាងធម្មតា។

បន្ទាប់ពីយើងមានអ្នកម៉ៅការសំណង់ធ្វើដំណើរនៅពាក់កណ្តាលឆ្នាំ 2024 យើងនឹងដឹងបន្ថែមអំពីផ្លូវសម្រាប់ឡានដឹកទំនិញ កន្លែងដែលឧបករណ៍នឹងត្រូវដាក់ ហើយតើថ្ងៃណាដែលការសាងសង់នឹងចាប់ផ្តើម។

យើងនឹងផ្សព្វផ្សាយព័ត៌មានលម្អិតទាំងអស់អំពីសកម្មភាពសាងសង់ (រួមទាំងកាលបរិច្ឆេទចាប់ផ្តើម និងបញ្ចប់ ម៉ោងធ្វើការ ទីតាំងរៀបចំសម្ភារ) ឱ្យសាធារណៈជនបានដឹង ឱ្យបានឆាប់បំផុត នៅពេលគម្រោងត្រូវបានរៀបចំសម្រេច។

សូមជួយយើងរៀបចំគម្រោងនៅមុនដំណើរការការសាងសង់ តាមរយៈការចែករំលែកគំនិតយោបល់របស់អ្នកនៅក្នុងការស្ទង់មតិខ្លីៗនេះ។ ព័ត៌មាននេះនឹងជួយយើងបន្តកែលម្អគម្រោងផ្សព្វផ្សាយ និងទំនាក់ទំនងរបស់សហគមន៍សំណង់របស់យើង ដែលរៀបរាប់លម្អិតអំពីរបៀបដែលយើងនឹងប្រាស្រ័យទាក់ទងជាមួយសហគមន៍អំឡុងពេលសាងសង់។