O loo ua galulue nei le vaega o le polōketi i Clark County mo suiga o le tau, e sa'ili manatu mai le komiuniti e fesoasoani ai i fuafuaga mo suiga o le tau e ala ini gaioiga i le tausaga atoa. I le taimi nei, o loo ave le fa'amuamua a le vaega o le polōketi i fuafuaga e fa'aleleia ai fesoasoani vave mo le komiuniti i taimi leaga ma fesuisuia'iga o le tau. O fesoasoani vave (community resilience) e fa'auigaina o auala tutusa tatou te fausia ai sootaga i a tatou komiuniti, galulue fa'atasi, ma tulaga e mafai ona fa'aitiitia ai, tatālia, tali atu, ma vave toe fa'afoisia i tulaga lelei i taimi o aafiaga o le tau.
Matou te vala'auliaina oe e:
1) iloilo se aotelega o aafiaga o le tau e ono aafia ai Clark County i le isi 20 tausaga;
2) iloilo se aotelega o tali mai le komiuniti e fa'atatau i uiga loulouā ma fesuisuia'iga o le tau i Clark County; ma
3) fa'asoa mai manatu i auala talafeagai e fa'atalanoa ai ma fa'ailoa uiga loulouā o le tau ma suiga fesuisuia'i.
O le vaega o le polōketi i Clark County mo suiga o le tau e iai le aufaigaluega a le itumalō, konesale, ma kulupu faufautua, o le a latou fa'aaogaina lenei fa'amatalaga e fa'ailoa ai le isi laasaga o fuafuaga fa'agasolo: fa'amae'a ai se lisi fa'ataatia o gaioiga e mafai ona faia e le itumalō e tapenapena ai ma sauniuni mo uiga loulouā o le tau ma fesuisuia'iga i le lumana'i.
O au tali e fa'alilolilo (matou te leiloa poo ai oe). O lou auai e fai i lau faitalia. E ono mafai ona e sikipiina fesili. O lou auai e aumaia ai tali tāua ma le aogā e fesoasoani i le tuufa'atasia o fuafuaga lelei mo le komiuniti i le lumana'i.
O lenei su'esu'ega e ono fa'aaluina ai le 25 minute e fa'amae'a ai.
----
O le a fa'asoaina atu e le vaega o le polōketi mo suiga o le tau aotelega o i'uga mai lenei su'esu'ega ma isi taumafaiga a le komiuniti i luga o le uepesite a le polōketi.
E mafai ona e a'oa'o atili e uiga i le polōketi a le itumalō i suiga o le tau ma nofo malamalama i laasaga e sosoo ai i lenei uepesite:
https://clark.wa.gov/community-planning/climate-change-planning.